La Podina

 

Vanti viazar de na volta al Brasil, Candido se ga comprà, nela cità de Rovereto (TN), en misterot che saria de grande utilità nela nova terra. Come romai el pensea de coltivar vigne nele nove terre, na podina no poderia mancar en mez ai so argagni. Per la pu sicura, bisognea che fussa doi. Infati, sto cortelet (o temperin) se è tornà el so strumento predileto e, come era gelos con le so robe, la fat saer che sol el podea droparlo. El ghe la passà al nono Givanni che fea tuti ei di la so visita al vignal sempre compagnà de la so cara podina. Giovanni la fat encor pu grande le restrizion che sol meterghe le man a sta podina. La sin proibì de vardarla! Quei che ga bu la grazia de conviver col nono Giovanni, certamente ei ga ciapà na bruta romanzina o predica, soto na mucia de bestieme, al tentar rivarghe arent a sto caniveton! Ma anca ei ga bu la oportunità de veder e testimoniar la atenzion e afeto con che tratea le vigne che ghe rispondea con ue meravigliose subit trasformade en vin delizios...      Come per miracol, la podina s’ è mentegnuda intata per cento e quaranta ani e, dopo passar, a le volte den modo poc ortodosso, de man en man, ma sempre dentro de la familia, la sa lassada tirar el ritrat. Così podem veder e aprezar la seconda robeta personal del imigrante Candido, dopo el salvo condoto mostrà al de sora e che è sta conservà en tuti sti longhi ani.

Belgrano - La nave

 

El bastiment a vapor che era de la Compagnie des Chargeurs Reunis se ciamea Belgrano. L’ è sta fat en Le Havre, en Francia, e lè restá pronto per la metà de magio del 1872. El pesea 2.131 ( do mili, cento e treta una) tonelade. El gaea le misure de 107,89 m per 10,06 m. El so scafo (casco) l’ era de fer e el gaea tre mastri. El gerea 700 cv. La fat el so prim viaz al Brasil e al Prata nel 16 otobre 1872 e l´è sta demolì nel 1894. Nel so secondo viaz, en febrar de 1873, sto Belgrano la trasportà a Buenos Aires la statua en bronz del general Belgrano, en eroe argentino che, per mantegnir la so memoria, el so nome è sta dedicà a na piaza nela capital de la Argentina.

El viaz

 

Dopo do mesi e tre dì de paura, mancanza de conforto, malatie e tuta la sort de privazion che se pol maginar nen viaz transoceanico, fat en quel temp en bastiment a vapor, enfin l’ America! Nel prim de otobre de 1875, el Belgrano è rivà al Rio de Janeiro, con la carga de imigranti francesi e taliani. En mez a quei, ghera candido Nicolò Pintarelli, con 29 ani de età, compagnà de la so sposa Maria Cattarina Anderle, con 27 ani, e de la fiola Cattarina Fortunata, che gaea sol do ani de vita. El long viaz è sta inizià nel tren che è partì de la cità de Trento, al nort de la Italia, nel 28 agosto de 1875. Dopo traversar el tunel (en bus nela nomtagna) che liga la Italia al sul de la Francia, ei è passadi a Paris e rivadi a Havre. De là ei è partidi nel bastiment ai doi de setembre. Ei ha fat scala a Lisbona e ai sete de setembre ei ga continuà en direcion al Brasil. Naltra scala, sta volta en la Bahia, de endo ei è partidi ai 26 de setembre. Ei è rivadi a Rio de Janeiro nel prim de otobre. Ai sete de otobre ei è nadi avanti, naltra volta de bastiment, con scala a Santos(SP), rivadi enfin al porto de Itajaí (SC).

De là, en carreta per na distanza de 42 km, ei è rivadi a Blumenau (SC), endo ei è stai provisioria- mente  alogiadi en  barraconi. Dopo na selezion, ei è nadi avanti a pè, per 47 km, e dopo passar per Timbò (SC), finalmente ei è rivadi nela Colonia Caminho de Rodeio. Strachi, ei è rivadi ai 28 de otobre de 1875, per ciapar posse del lote 116, de dozento mili metri quadri, che ghe è sta destinà per el Impero.

Prima pagina de Registro de Imigrazion del Belgrano

 

Ditaglio de la relazion dei imigranti

 

Vardé sol che el cognome de Candido Nicolò Pintarelli è sta scrit de modo sbaglià come Winterelli. Magari, ei altri dadi, come el nome, la età e del registro de tre persone (do acompagnante) ne da la sicureza que se trata del Bisnono. Podem anca osservar che quasi tuti ei altri relazionadi come agricoltori ei è stai destinai ai loti de la Colonia Caminhode Rodeio.

El inizio

 

Con Fede, gran coragio e le poche robe che ei ga podest torse dre da l’ Italia, el bisnono Candido e so sposa Catherina ei se ga meti a “far la America”. Questa era la oportunità de gaer en toc de terra de so proprietà ( tut suo! ), per arlevar la familia e realizar ei so sogni. Nela pratica, bisognea subit atacar la foresta tropical, piena de animai selvagi e feroci e sirache velenose, senza parlar dei Bugheri, (ei Indii Xokleng), così stragna per lori, e farse su el prim coert o ranciòt. Con l’ aiuto de 329$920 (trezento e venti nove mili e novecento e venti rèis) dadi dal Impero, Candido se ga comprà arquante ferramente e mantimenti. A colpi de facon e manara el ga davert for en spiaz e trat su na cabanota, fata su con legni bruti, scoerta de foie de palmiti, su la riva del fiume che fea divisa a oest de la so proprietà. El la  fat su na casetela alta, sora colone de legn, per meterse a salvo dei animai che girea entorno a la nova casa. El contea sempre che era normal scoltar for per la not spaurosi urli de la tighera. En vicin ben intenzionà la tentà avisarlo che ghera qualcos de sbaglià a costruer lì en quel posto. Ma, per no cognosser la lengua, no  ghè sta entendiment tra de lori. Arquanti dì dopo è vegnù na piena, roba ben comum nela val del Itajai. Candido e la so familia ei se ga fermadi su el su alt de la ca e ei è stai salvi dal vizin cola so batera o barcheta. Tut stremì, la refat su la so ca en poc pu en sù. Ma, el se ga sbaglià naltra volta!

Naltra piena, encor pu alta che la prima, ga invadì so casa naltra volta. Candido no se ga desperà. La refat su la ca encor pu lontan del fiume, nen terreno pu alt, nel posto endo la ghè sin encoi.

Lote 116 de la Picada de Rodeio

 

Vista atual del lote 116, ricevù da Candido Nicolò Pintarelli, nel 28 de otobre del 1875 – Rodeio – SC - Brasil.

Perzen (Pergine)

 

El nono Giovanni (Valentino Giovanni Pintarelli) parlea sempre che so pare (Candido Nicolò Pintarelli) era vegnù da Perzen. L’ è così che se parla Pergine nel dialet trentin. Pergine Valsugana l’ è na bela cità, localizada ne la Alta Valsugana, ben lì ne la boca de la Vallede Fersina e inizio de la Valsugana. Lasta propi lì en mez a le montagne e su la riva del lago Caldonazzo.

                       ( Daghe en clic su la foto per sgrandarla )

Da la finestra de ca se vedea en lago

 

L’ era così che el bisnono Candido iniziea, con lagrime nei òci, a discrever la vista  che è restà fissa ne la so mente e che el la ga mai pu vista. “De lassù, vedevem en lago, propi bel, che congelea totalmente nel inverno”... E, en sto lago congelà, l’ esercito vegnia far esercizi, fato che ha rendù na bela storia, contada dal nono sempre tra bele risade.(prest meterem qui en relato completo)                     (daghe en clic sora la foto per sgrandarla).

La aurora de la Colonia

 La Colonisazion Taliana nela antiga Colonia Blumenau è scominciada nel 1875 con la rivada, nel 15 agosto de quel an, del prim grup de 20 familie, vegnude dal Tirol Austriaco. Subit dopo nè vegnù altri doi: un de 34, nel 15 setembre, e naltro de 60, nel 20 de otobre, ne total de 114 familie e 771 persone. Ste prime familie son stae fissade per la Direzion de la Colonia al long de tre picade che, col partindo del patrimoni de Timbó, se stirea una su la riva drita del Ribeirâo Rodeio e le altre doi,  e le altre doi, apartir del sboco del Ribeirão Fortunata, compagnea el Rio dos Cedros. Ste tre picade portea el nome de “Camin de Rodeio”, “Strada dei Pomerani” e “Camin dei Tirolesi”, che era le tre pu longhe linee colonial de ocupazion taliana. La prima a esser ocupada è sta quela del  “Camin de Rodeio”.Nel 18 de setembre del 1875, nela sede de la Colonia, en picola cerimonia, el dotor Blumenau, ha fat la consegna oficial dei titoli de possediment ai primi venti imigranti, tuti ocupanti  del “Camin de Rodeio”. Sta consegna è stada fata per mez de Domenico Ferrari, residente a Blumenau e interprete oficial dei taliani ensema a la Direzion de la Colonia. Con sta storia, la data del 18 de setembre deve o pol esser considerada, alor, come la fondazion de Rodeio, za che el criterio adotà dal dotor Blumenau entendea esser la data de fondazion quela dela distribuzion dei primi loti e nò quela de la rivada dei imigranti. Al bisnono Candido ghè sta consegnà el lote 116 de la nova colonia.

 

Rodeio, Santa Catarina, Brasil - Foto d'stiani

 

Candido Nicolò Pintarelli e familia

 

Candido Nicolò Pintarelli, so seconda sposa, Orsola Fadanelli (sentadi) e cinque dei so ondeze fioi. En pè, da la zanca a la drita, Valentino Giovanni, Maria Mercede Thereza, Beatrice Croce, Chiara Maria Luigia e Francesco. La foto par che sia del mili novecento e dodeze (1912). Daghe en clic sora la foto per sgrandarla.

 

Noze de Oro – Valentino Giovanni Pintarelli, Giuditta Filippi e Fioi

 

Sentadi : Valentino Giovanni Pintarelli e Giuditta Filippi. En pè, a partir de la zanca, ei fioi Massimiliano, Pasquale, Mercede Maria, Rosina Maria, Candido e Luigi. 

Daghe en clic nela foto se demó te voi sgrandarla.

 

Noze de Oro – Valentino Giovanni Pintarelli, Giuditha Filippi e Nipoti

 

Cesar Pintarelli, Iracema Depin, Agenor Pintarelli

Valentino Giovanni Pintarelli, Giuditha Filippi

Antonio Luiz Pintarelli, Mauro José Pintarelli, Carlos Alberto Pintarelli, Sergio Pintarelli, Alfredo Pintarelli, Alvaro Pintarelli, Joares Kindlein Pintarelli, Denis Davi Pintarelli, Jânio José Kindlein Pintarelli, João Pintarelli Neto, Ruth Rosália Pintarelli, Irene Moser, Sonia Pintarelli, Isabel Pintarelli e Mires Moser

Nono Giovanni (Valentino Giovanni Pintarelli) e Nonna Giuditha (Giuditha Filippi Pintarelli)

 

Nono Giovanni e Nona Giuditha en raro moment de riposo nela varanda de la ca localizada nel lote 116 de la Colonia, en Rodeio, SC, Brasil.     

    Daghe en clic sora la foto se demó te voi sgrandarla