Sem vegnudi de qua: Trentin Alto-Adige Italia

 El Trentin-Alto Adige, en todesc Trentin-Südtirol, en ladin-dolomita Trentin-Südtirol, l’ è na region che se trova nel nordest de la Italia, con novecento e novanta mili abitanti e tredeze mili, seicento e sete chilometri quadri (km2), del qual la capital è Trento. El ga le divise al nort con la Austria, al sudest con el Veneto, a sudoest con la Lombardia e a oest con la Suissa. Per forza del statuto special de 1972 (mili novecento e setanta doi ), el nome oficial de la region è Trentin-Alto Adige/Südtirol. Dopo la lege de modificazion numer trei, de 18 (disdòto) de otobre de 2001 (do mili e un), la denominazion italo-todesca l’ è encor ben segnalada nel articol 116 (cento e sedeze) de la Costituzion de la Republica Taliana. Vanti el 1972 (mili novecento e setanta doi), la region gavea el dopi nome de Trentin-Alto Adige/Tiroler Etschland. La region è formada per do provincie: la Provincia Autonoma de Trento (al sul) e la Provincia Autonoma de Bolzano (al nort). Nela region del Trentin-Alto Adige ghè tre grupi linguistichi:

         

  -  talian: 60% (sessanta per cento) de la         popolazion;

   -  todesc: 35% (trenta cinque per cento) de la popolazion;

    -  ladin-dolomita: 5% (cinque per cento) de la popolazion.

Le do provincie che forma la region Trentin-Alto Adige son ben diferente nela maniera del parlar. El Trentin (Provincia Autonoma de Trento) è quasi tut de lengua taliana, con storiche comunità de lengua todesca (Mòcheni e Cimbri), entant che el Alto Adige (Provincia Autonoma de Bolzano o Südtirol) ga la pu part de lengua todesca e sol 25% (venti cinque per cento) de lengua taliana. Nel Trentin-Alto Adige se fa presente anca la minoria linguistica ladin-dolomita, che ciapa dentro anca en poc del territorio Veneto

Facsimile del libro dei registri de nascimenti/batesimi endo se trova le anotazion de Candido Nicolò Pintarelli

 

Daghe en clic su la figura se demò te voi sgrandarla

Detaglio del libro

 

Conforme el registro, nel 21 (venti un) de giugno de 1846 (mili otocento e quaranta sei), a le sete de la matina, nascea en Castagné Candido Nicolò Pintarelli, fiol de Giovanni Batista Pintarelli e Orsola Fontanari. Ei noni paterni, Giovanni Batista Pintarelli e Catherina Biagi. Ei noni materni, Nicolò Fontanari e Orsola Piva. L’ è sta batesà nel 21 de agosto del stess an e so gudassi son stai Nicolò Fontanari e Rosa Pintarelli. Se sa anca che l’ è sta el sesto catolico a nascer en quela località

( Daghe en clic su la figura, se demó te voi sgrandarla.)

Documento (Certificado) de nascimento del bisnono Candido

 

Bisnonno Candido

 Disegno libero de Candido Nicolò Pintarelli fat dal artista Massimo Pintarelli.

Salvo condoto de Candido Nicolò Pintarelli

 

Questa è na vera rarità! Forsi la unica roba personal che encor ne resta del nono Candido. En salvo condoto ricevù en pochetin vanti imbarcar per el Brasil ( daghe en clic su la figura per sgrandarla ).    El document atesta la idoneità de Candido Pintarelli e so bona condota. Questa l’ è na colaborazion del dotor Vitor Last Pintarelli.

Salvo condoto trascrit

 

“Il sottoscritto attesta che Pintareli Candido dei legitimi consorti Gio Battista e Orsola è un uomo onesto e galantuomo, il quale ha sempre tenuto una buona condotta di vita e non ha mai fatto        ed è incapace di cattive azione; ciò sia noto a qualunque a che fare con lui. In Fede.”

Dal Comune di Castagnè li 11 luglio 1875.              Gretter Capo Comune  

        

El sotoscrit atesta che Candido Pintarelli, dei legitimi sposi Giovanni Battista e Orsola, l’ è en òm onest e rispetos che el ga sempre bu na bona condota de vita e che el ga mai fat e no l’ è bon da Far robe cative; quest sia anotà da qualche un a cosa far con el. In Fede.

Dal municipio de Castagnè, ai 11(undeze) de luio de 1875 (mili otocento e setanta cinque)

                                                                          Gretter capo del municipio