~ ~ ~ Pintarei in Brasile ~ ~ ~: Rodeio, Santa Catarina, Brasil

Benvegnù

Sia benvegnù a la pagina de la Familia Pintarelli. Sto posto l’ è pér el registro dei fati storichi, date, foro, arbol genealogico e informazion sora la discendenza de Candido Nicolò Pintarelli nel Brasil.

El pretende esser el resultà de la cooperazion de tuti quei che difende la preservazion del patrimoni storico e cultural de la nossa familia. Cognosser la nossa caminada, darghe valor a le nosse radìs e al legado che gaem ricevù dai nossi antenati l’ è fondamental per la construzion de la futura identità.

Citadinanza Taliana

En novembre de 2011 (do mili e undeze), ei discendenti de Candido Pintarelli che se ga inscriti come postulanti nel process de ricognossiment de dirito a la citadinanza taliana ei ga scomincià a ricever carte del Consulado Talian de Curitiba con queste parole: “ Gaem el piacer de comunicar che en questa data è sta deferì la vossa solicitazion relativa al ricognossiment de la citadinanza taliana per discendenza”. La spetativa de ste carte se è stenduda per quasi oto ani, za che ei documenti del process de citadinanza son stai reunidi tra 2003/04 e el inizio del process è sta formalizà en magio de 2004, con la segnatura de tuti ei postulanti nel libro de registro. Congratulazion a a tuti ei novi citadini italobrasiliani e rinovem la solicitazion del Consulado de mantegnir atualizadi ei vossi dadi de registro civil e indirizo.